سهرنا والهوى واحد ·´`·.¸.» [الأرشيف] - منتديـَﭑتـﮯ عـطَرٍ الشمآ‘لـﮯّ

الشهد

03-14-2008, 06:32 AM

الساعه 11:30 الليل .. سار وقت النوم
دخلت الغرفه ..
طفيت اللمبة وقريت اذكاري ..

قعدت افكر في الدوام بكره واشغالي ..
- اتقلب عالسرير - ..

تذكرت ان عندي عزيمه الاربعااء .. يووه ماقررت ايش البس =(

صح نسيت كتتابي مع سااره ..لازم ادق عليها تجيبه بكره ..

افف مني خلاص ابغى انام ="(

انا نعسانه . انا نعسانه . انا نعسانه . لازم انام . لازم انام . لازم انااام

هجدت شوي وبطلت تفكير ..

تك ....

تك ...

.تك ...

.تك ....

تك....

.

ساااعه مزززعجه

خليني اشوف الساعه كم ... اووف 12 ونص

خلااص توووبه اخر مره بنام ولا بعطي نفسي كف ..

انا ناايمه . انا ناايمه . انا ناايمه .. هششش انا ناايمه انا ما افكر انا نعساانه ..

&^$#%^ - بطني يطلع اصوات –

آآآآآآآآع جيعاااانه

... هففف ماقدر انام وانا جيعانه

$%&)&ٌ%$@! خلاص ياخي بقوم اكل أي شي

قمت اكلت وانسدحت عالسرير اناااام ..

الساعه سارت 3 الا ربع .. غمضت عيوني ..

يالله بكره بنام في الكلاس وبتنننح =( بتزيد الهلات السودا بيطلع شكلي يخوف

انا لسا جالسه افكر مو ؟

ايه جالسه تفكري في بكره ياعبيطه

لاااااااااااااا

ابغى انااااااام خلااااااااااص

الشهد

03-14-2008, 06:32 AM

اغلبنا يعاني من هذا المشهد كل يوم ..

نروح الدوام وماشبعنا نوم

كسلانيــن ,, مسطليـن ,, ندور عالمخده

وبس نرجع البيت .. يطير النوم

.. وبما اني كمان هالايام نومي ملخبط قلت اكيد مو انا لحالي ..

في هذا الموضوع بنعرف كيف نقدر ننام نومة عميقة

:

:

أفضل 10 علاجات لنوم عميق ::

1- اول شي بطلي كوفي .. ولا مافي نومه كويسه !

2- كيف حال مخدتك ومرتبتك ؟؟
اغلب المخدات هي اللي تجيب الصداع والهم جيبيلك مخده لينه ومنتفخه تناسبك واذا بتعرفي مخدتك كويسه .. امسكيها من النص .. اذا انقسمت نصين معنااتهااااا ماعاااد تنفع بدليها بأسرررع وقت
ومرتبة سريرك احرصي تكون قوية تسند ظهرك زين !

3- لازم يكون جو غرفتك منعش .. هويها دايما عشان يدخل الاكسجين لها , الجو الحار والاغطية الثقيلة تخليك تفطسي وتقومي حرانه .

4- تعودي على روتين مستقر .. اصحي ونامي بوقت محدد .. الزمي نفسك فيه عشان جسمك يتعود عليه .

5- خذيلك حمام داافي رفع حرارة جسمك يساعد عالنوم .. انقعي جسمك ربع ساعه واستخدمي معاه زيوت مهذئه .

6- وقت المغرب اعملي تمارين رياضة لانها بتستهلك هرومون الادرينالين اللي يخليك صاحيه .
<< عاد هذي صادقين فيها اذكر كنت اروح النادي وماا ارجع البيت الا عيوني مغمضة -_-

7- لاتاكلي قبل النوم << اقول لنفسي
او اختاري اكلات خفيفة .. حليب ,, تونه ,, سلطة

8- اللافندر .. استخدمي الزيت .. قطري منه عالمخده .. او حطي اكياس معطره جمبك
او الفواحه .. اللي يعجبك : )

9- في حالات التوتر .. تنفسي بعمــق ,, اقرأي قرآن بصوت عالي شوي وبترتيــل ,, كرريها
وبتحسي هم وانزاااااااح .. << جربتها

10 - غيري مكان سريرك
احياناً يكون وضع السرير في الغرفه مكان تجمع الموجات الكهرومغناطيسية فيه .. ويحرمك من النوم

مشكلة وحل !

اجلس ساعات طويلة وانا عالسرير .. اتقلب ومايجيني نوم , جربت اسبح و اتفرج تي في قبل مانام عشان اتعب .. بس برضو مافيه فااايدة !!

~ تجنبي التمارين في الساعات المتأخرة وحتى التي في .. لانو ينشط الجسم .. بس جربي تقري روايات خفيفه و لاتقري المغامرات لانها بتشدك كثير ..
كمان اجبري نفسك تبقي صاحية للساعة 2 .. اتوماتيكي الجسم بيحاول يبقى صااحي بس بيناااام

انام الساعه 10 الليل واقوم الساعه 7 تعبااانه مرره .. وانا احب الباستاا كثييييير .. سمعت انها هي السبب !!

~ ترفع الكربوهيدرات نسبة هرمون يأثر عالنوم .. ولما تاكلي الباستا .. بيثقل نومك ويحسسك بالتعب في النهار !

اذا كنت استعد ليوم مهم " زي مقابلة شخصية , او اختبار " ارتبك واقوم من نومي =( ايش السبب ؟

~ شعورك اللا ارداي يقومك بدري عشان تستعدي له . انصحك باعشاب تهدي الأعصاب .. مثل الشاي الاخضر بالنعناع .

تمر علي ايام ما اقدر انام.. ليش ؟؟

~ يمكن السبب ضغط العمل وكثرة أشغالك .. حاولي تسترخي واعملي تمارين يوغا .. وتنفسي بعمق .
واحتمال يكون السبب قرب الدورة الشهرية لانو يأثر في نومك .. اشربي حليب دافي محلى بملعقة عسل يساعد في استرخاء جسمك .