لانزوج الصغيرة قبل الكبيرة..!!

[حزن الكون]

السلام عليكم ورحمة الله وبركاته

اليوم جايبة لكم قضية وحابة الجميع يتفاعل..الموضوع باين من عنوانه..

بإختصار..يوجد بعض العائلات اللتي لاتقبل تزويج البنت الصغيرة قبل الكبيرة..لمـــاذا..؟؟؟

(قد يكون السبب خوفاً على مشاعر أختها)..ولكن هل هذا سبب مقنع..؟؟


ويقولون(البيت اللي فيه بنات كثار ماحد يخطب منه)..يعني بتزيد المشكلة..؟؟

رأيي أنا(إن جائكم من ترضون دينه وخلقه فزوجوه)..


أتمنى من الجميع المشاركة بأرائهم بكل صراحة..

لكم مني كل الشكر والتقدير..

في أمـــان الله

[الخيال]

عليكم السلام ..

من جد نظام وزارة الداخيه مو كذا < يعني تعرف توصف انت وجهك ..

اول شي .. الزواج قسمه ونصيب ..

وثاني شي .. خلف المشعان يقول .. من طبق امثال البدو هذا الزمن يبلى بها ..

وثالث شي .. الزواج الصغيره قبل الكبيره .. مافيها اي شي .. وقول الرسول صلى الله عليه وسلم .. فوق كل قول وكل فعل وكل عاده .. اما عند البدو او غيرها ..

إن جائكم من ترضون دينه وخلقه فزوجوه < كــما ذكـرتي ..

رابع شي .. يعطيك العافيه على المووضوع اختي ..

وخامس شي .. تراني مانمت زين يعني كلامي احس فيه تغريز شوي ..

سادس شي .. فمان الله ..

[زعيم الشمال]

اهات

انا ضد الفكره لانه اذا زواجنا الصغيره
قبل الكبيره بيقولون الناس اكيد الكبيره
فيها شي وتعرفين كلام الناس

دمتي بخيررررررررر

[صعوط المجانين]

اول شي عوافي خيتي على الموضوع
وانا مع كلام اخوي زعيم الشمال
معصي تتزوج الصغيره قبل الكبيره خلها تنطق تكوي لي شماغي =======> جاب العيد ههههههااااااااااااااااااااي

كل وحده بتاخذ نصيبها والطمع والانانيه شينه .

[متغرب عن الوطن]

والله الي ماسكه معه الامثال عزالله لا الكبيرة والا الصغيرة بتتزوج
يمكن الكبيرة مقفل الحظ وش ذنب اختها الصغيرة........

فيه طريقة خــــــاصـــة::
اذا العريس جاي يخطب الصغيرة المفروض الشايب مايقول لا يخليه لين تجي ليلة الدخلة ودخل عليه الكبيرة يوم يجي الصباح الا الفاس طاح بالراس ههههه

[الخيال]

< يقول بنفسه .. ليه التحجر هذا والعقول المسكره ..

الله خلق لنا العقل نفكر فيه ..الي جاها النصيب .. نزوجها ..

< سمعت في شريط .. لاحد المشائخ ..

بنت ابوها جالس يحتضر وهو جالسه عند راسه تدعي عليه .. تقول الله لا يرحمك .. بسبب كان ياخذ راتبها .. ولا يزوجها ..

< طبعا اختصرت القصه ..

وبكره البنت هذي .. اذا مات ابوها ممكن تقول الله لا يرحمك لانه قطع نصيبها .. ولا زوجها .. علشان اختها الي اكبر منها ..

بس الصراحه عندنا عوايل في السعوديه للحين تفكيرها عام 1300 .. او قبل الهجره ..

[حزن الكون]

لازم نراعي مشاعر الاخت الكبيره هذا المهم بالموضوع ياجماعه
اعتقد ان الاحساس بالموقف فقط يهز القلب ,, اجل ايش يصير في الاخت الكبيره ؟؟؟؟؟

مشكورين على حضوركم
والموضوع مفتوح للنقاش

[الخيال]

ممكن سؤال ؟

لو تحت الكبيره ( 9 ) بنات ؟

والكبيره ما تزوجت ؟ معقوله نخليهم كلهم بلا زواج ؟

افرضو الله ما كتب للكبيره نصيب .. والي تحتها كلهم جاهم النصيب .. يعني اي واحده يجيها واحد نكرشه ؟

اعرف ناس واجد الصغيره تتزوج قبل الكبيره .. وبالعكس الكبيره تفرح لختها .. لانهم شي واحد ... !!

[صعبة المنال]

والله على حسب اذ الاخت الكبيره سبق لها ان احد خطبها ورفضت
او عندها اسباب ثانيه
اعتقد شي عادي تتزوج الاخت الصغيره في هالحاله فقط

اما غيره اتوقع صعبه وفيها احراج كبير للكبيره وللصغيره بعد

هذي وجة نظري

مشكوره اختي اهات ع الطرح الجميل

[الخيال]

اختي صعبة المنال .. وجهة نظراك احترمها ..

وفتحت الموضوع هذا في مجلس .. وناقشتهم فيه .. وكان كلامهم قبل لا اقول وجهة نظري نفسي بالتمام ..

لان صعبه نخلي البنات الي تحت هذي حرام وش ذنبهم ؟؟

اذا الله مو كاتب للكبيره شي ؟؟ وش ينفع الاحراج ؟؟

الزواج ستر مو لعبه الفايز الاول ولا الثاني ..

اذا الله ما رزق الكبيره في الدنيا يبي يرزقها في الاخره ...

لو نفكر شوي في العقل بدون عواطف راح نوصل الى نتيجه.

[S الـ،،،ــٌ‘ـنـدبآ‘د A]

انا في نظري شي عادي نزوج الصغيرة قبل الكبيرة

ولكن بشرط أخذ راي الكبيرة الان الزواج قسمة ونصيب

وحفاظ على مشاعر الكبيرة

تعتبر وجهت نظر

[أمير الذوق]

وانا رايي من رائي اخوي / السندبااد

<< والله يصلحك ياصعوط >> احسك متحجر فكريا ههههههههه

[حزن الكون]

نورتو الموضوع يالغالين

[الملحم2008]

أهات

زواج الصغيره قبل الكبيره أمر عادي

وأوافق على الطرح


مشكووووووووووووووووووووووووره

[حزن الكون]

العفوو خيوو الملحم
نورت الموضوع

[خجوله بدلع]

انارايي ان الزواج قسمة ونصيب حتى لو جاء نصيب الصغيرة قبل الكبيرة
ومشكورة عالموضوع يا حزن الكون

[حزن الكون]

نورتي الموضوع خيتوو خجوله بدلع