زعيم الشمال
01-05-2008, 10:40 PM
رقـمٍ ينادينـي عـلـى جـوالـي
وأنـا بقمـة حوستـي واشغـالـي
رقمٍ ما أعرفـه لا ولا أدري منهـو
وحسّيت في صوت المعنـى عالـي
وساعة ضغطت الزر الأخضر جاني
صوتٍ شغل فكري وغيّـر حالـي
يقول لي كيفـك وكيـف احوالـك
بالله قل لـي كيـف حـال الغالـي
قلت أنت من ياللـي تنشّـد عنـي؟
من قبل لا ابديلك جميـع أحوالـي
قال المعذب مـن غـلاك وحبـك
ياللي عـن قليـب المعـذّب سالـي
ما تدري انه قد ضنانـي شوقـي؟
ومافيه يوم الا تجـي فـي بالـي؟
دايم أهوجس بك وأخطـط وأرسـم
وأبني على قربـك جميـع آمالـي
من كثر ما أحبـك وأهيـم بحبـك
أشم حتى رحيتـك فـي شالـي !!
وأردد أسمـك كـل يـوم وليـلـة
حتى كتبت أسمـك علـى سلسالـي
قـام يتكلـم عـن غرامـه فـيّـه
وأنا معـه بشـوف ويـش التالـي
وساعة خلص من هرجتـه بادرتـه
قلت أستمع لي جعل مالـك والـي
أنته وش اللي جاب رقمي عنـدك؟
ووشلون تعرفنـي وانـا بلحالـي؟
معرض عن أهل الحب ماني منهـم
لو كان جسمي مـن عناهـم بالـي
لكـن تردعنـي مخـافـة ربــي
ثم سلم ابوي وطيـب عـم وخالـي
وأخشى على نفسـي تـزلّ وتهلـك
في حب مصلحجـي أو استغلالـي
وأخاف أشـوّه سمعتـي وأعميهـا
وأنـا علـى روس القمـم منزالـي
لأني مـن أرجـالٍ تقـول وتفعـل
وألهم محـلٍ فـي المكـارم عالـي
أنـا سليـل أهـل الوفـا والشيمـة
من طيب ماضيهم تطيـب أفعالـي
ألهم علي أحـرص علـى سمعتهـم
وأصونهـم فـي أقفايتـي واقبالـي
قبيلتـي وافخـر بـأنـي منـهـا
هي مسندي هي محزمـي وظلالـي
أنا بدوي يابنت ما ارخـص نفسـي
وبين الرجال أهل الكـرم مدهالـي
ما اعرف ياكود أكرم واشبب ضيفي
واسوق لـه كرامتـه مـن مالـي
وان كان ضيفـي للـردى يجذبنـي
أشـوم عنـه اشوالـه وأشـوالـي
وان جاتنـي زلّـة رفيـق أدمحهـا
واغفـر لـه الزلّـه لأنـه غااالـي
وإذا نخـانـي غـالـيٍ لبـيـتـه
ورميـت لجلـه غترتـي وعقالـي
ووقفت وقفة صامـلٍ مـا اثنيهـا
وارخصت لجله مهجتـي وريالـي
واللي اعزّه أشركه فـي اللـي لـي
ما اقول ذا لـك يالرفيـق وذا لـي
ولا أحط نفسي في المكان الطامـن
واعرف لمخراجـي قبـل مدخالـي
قطع كلامـي لـه وقـال اسمعنـي
أما انت رجعـي او بعـد متعالـي
وإذا طـرالـك يــوم بتكلّمـنـي
أسمـي عرفتـه وتعـرف جوالـي
لكـن لا تطـري علومـك هـذي
وان كان ذا علمـك فـلا تسعالـي
سكّر وانـا سكّـرت خطـي دونـه
لكـن سلبنـي خافـقـي طـوّالـي
أنـا احسبنـي شـاربٍ فنجـالـه
واثره هـو اللـي شـاربٍ فنجالـي
وسلامتكم جميعاً
للشاعر عبدالعزيز السليس ...
وأنـا بقمـة حوستـي واشغـالـي
رقمٍ ما أعرفـه لا ولا أدري منهـو
وحسّيت في صوت المعنـى عالـي
وساعة ضغطت الزر الأخضر جاني
صوتٍ شغل فكري وغيّـر حالـي
يقول لي كيفـك وكيـف احوالـك
بالله قل لـي كيـف حـال الغالـي
قلت أنت من ياللـي تنشّـد عنـي؟
من قبل لا ابديلك جميـع أحوالـي
قال المعذب مـن غـلاك وحبـك
ياللي عـن قليـب المعـذّب سالـي
ما تدري انه قد ضنانـي شوقـي؟
ومافيه يوم الا تجـي فـي بالـي؟
دايم أهوجس بك وأخطـط وأرسـم
وأبني على قربـك جميـع آمالـي
من كثر ما أحبـك وأهيـم بحبـك
أشم حتى رحيتـك فـي شالـي !!
وأردد أسمـك كـل يـوم وليـلـة
حتى كتبت أسمـك علـى سلسالـي
قـام يتكلـم عـن غرامـه فـيّـه
وأنا معـه بشـوف ويـش التالـي
وساعة خلص من هرجتـه بادرتـه
قلت أستمع لي جعل مالـك والـي
أنته وش اللي جاب رقمي عنـدك؟
ووشلون تعرفنـي وانـا بلحالـي؟
معرض عن أهل الحب ماني منهـم
لو كان جسمي مـن عناهـم بالـي
لكـن تردعنـي مخـافـة ربــي
ثم سلم ابوي وطيـب عـم وخالـي
وأخشى على نفسـي تـزلّ وتهلـك
في حب مصلحجـي أو استغلالـي
وأخاف أشـوّه سمعتـي وأعميهـا
وأنـا علـى روس القمـم منزالـي
لأني مـن أرجـالٍ تقـول وتفعـل
وألهم محـلٍ فـي المكـارم عالـي
أنـا سليـل أهـل الوفـا والشيمـة
من طيب ماضيهم تطيـب أفعالـي
ألهم علي أحـرص علـى سمعتهـم
وأصونهـم فـي أقفايتـي واقبالـي
قبيلتـي وافخـر بـأنـي منـهـا
هي مسندي هي محزمـي وظلالـي
أنا بدوي يابنت ما ارخـص نفسـي
وبين الرجال أهل الكـرم مدهالـي
ما اعرف ياكود أكرم واشبب ضيفي
واسوق لـه كرامتـه مـن مالـي
وان كان ضيفـي للـردى يجذبنـي
أشـوم عنـه اشوالـه وأشـوالـي
وان جاتنـي زلّـة رفيـق أدمحهـا
واغفـر لـه الزلّـه لأنـه غااالـي
وإذا نخـانـي غـالـيٍ لبـيـتـه
ورميـت لجلـه غترتـي وعقالـي
ووقفت وقفة صامـلٍ مـا اثنيهـا
وارخصت لجله مهجتـي وريالـي
واللي اعزّه أشركه فـي اللـي لـي
ما اقول ذا لـك يالرفيـق وذا لـي
ولا أحط نفسي في المكان الطامـن
واعرف لمخراجـي قبـل مدخالـي
قطع كلامـي لـه وقـال اسمعنـي
أما انت رجعـي او بعـد متعالـي
وإذا طـرالـك يــوم بتكلّمـنـي
أسمـي عرفتـه وتعـرف جوالـي
لكـن لا تطـري علومـك هـذي
وان كان ذا علمـك فـلا تسعالـي
سكّر وانـا سكّـرت خطـي دونـه
لكـن سلبنـي خافـقـي طـوّالـي
أنـا احسبنـي شـاربٍ فنجـالـه
واثره هـو اللـي شـاربٍ فنجالـي
وسلامتكم جميعاً
للشاعر عبدالعزيز السليس ...