سؤال موجه لــ بنات حواء واولاد ادم

[ام اروى]

مسأإأإئكم / صبأإأإحكم معطر بذكر الرحمن


سؤال ابي اطرحه واريد فقط من بنات حواء يجاوبن عليه < < بليييييييييييز شباب برااااا
امزح لا تزعلون فقط الاستطلاع ابي من بنات حواء يدلن بأرائهن وبس والشباب يجاوبون على السوال الثاني


لو الزوجة ما قصرت مع زوجها وموفره له راحته في كل شي بس مع ذلك يبغى يتزوج عليها ..


ممكن اعرف وجهة اعتراضك على زواجه ..؟؟


بمعنى هو امر مباح


وكما قال تعالى ( فانكحوا ما طاب لكم من النساء مثنى وثلاث ورباع ) سورة النساء


سؤالي للزوجة : ما الذي يضرك لو تزوج عليك مع بقاء حبه وتقديره لكِ ..؟؟

وسؤال للزوج : لماذا تتزوج عليها اذا كل شي متوفر لك .. ماهو دافعك للزواج عليها ..؟؟



ابي اجوبه شافيه


ونقاش راقي


وبليييييييز ابعدوا عن التعليقات الظريفه


في انتظار تعليقاتكم وارائكم

وانا اول من يبي يرد على موضوعي:wal:<<<


م/ن

[ام اروى]

--------------------------------------------------------------------------------


ممكن اعرف وجهة اعتراضك على زواجه ..؟؟


بمعنى هو امر مباح





وكما قال تعالى ( فانكحوا ما طاب لكم من النساء مثنى وثلاث ورباع ) سورة النساء





سؤالي للزوجة : ما الذي يضرك لو تزوج عليك مع بقاء حبه وتقديره لكِ ..؟؟







اي حب واي تقدير اكبر اهانه اني اشوفه مع وحده ثانيه واسكت وبنسبه للحب مافي قلب يوسع ثنين تزوج يعني الاولى برااا مو معقوله بيحب الثنين مع بعض هينا راح الحب والتقدير بنسبه لي وانا مو مهم عندي لو اكل انا وياه خبر يابس ونسكن بعشه بس يكون لي لحالي لني اغار عليه من الهواء اللي يتنفسه ومن الناس اللي يقعد معاهم مو عاد اشوفه بعيني مع وحده ثانيه واوافق عشان بيعطيني فلوس او غيره هو عندي اغلا من الدنياء وما فيها


واذا يبي يتزوج مو مشكله انا مالي قعده عنده بيت اهلي مفتوحلي

انا مقدر اعيش مع انسان يبيع العشره باعذار واهيه مالها معنى
مستحيل اقعد عنده مستحيل <<<لاسمح الله عاد انا تاثرت زياده



ممكن اعرف وجهة اعتراضك على زواجه ..؟؟


بمعنى هو امر مباح





وكما قال تعالى ( فانكحوا ما طاب لكم من النساء مثنى وثلاث ورباع ) سورة النساء




هو امر مباح ما اختلفنا بس مباح لحكمه تكون المراءه مريضه ولا تقدر على عنايته تكون عقيم لا تقدر ان تلد له مع انه اكثر النساء يكون زوجهم عقيم وترفض تتطلق منه لان المراءه احن من الرجل ولا تقوى على جرحه والتخلي عنه

ولاكنه عذر مقبول بعض الشي ..


يا اخواني الرجال اتمنى من كل واحد يشوف نقص عند زوجته يحاول يصلحه يصارحها يحاول يفهمها وش يبي ما في شي ما يتصلح ممكن هي ياحرام مو منتبهه انها مقصره بحاجه مو على طول تفرحون بها وتاخذونها عذر وتقولون بنعدل الرسول عليه الصلاة والسلام ماقدر يعدل بقلبه وكان يقول:


حدثنا ‏ ‏موسى بن إسمعيل ‏ ‏حدثنا ‏ ‏حماد ‏ ‏عن ‏ ‏أيوب ‏ ‏عن ‏ ‏أبي قلابة ‏ ‏عن ‏ ‏عبد الله بن يزيد الخطمي ‏ ‏عن ‏ ‏عائشة ‏ ‏قالت ‏
كان رسول الله ‏ ‏صلى الله عليه وسلم ‏ ‏ يقسم فيعدل ويقول اللهم هذا قسمي فيما أملك فلا تلمني فيما تملك ولا أملك ‏
قال ‏ ‏أبو داود ‏ ‏يعني القلب

يعني مستحيل الواحد يعدل بقلبه
والقلب اهم شي بنسبه لي

وحتى لو تزوج واهتم فيني اكثر ولو ما يروح عند الثانيه الا يوم بسنه برضوا ما ارضى الذنب علي وعليه يعني يا لي لحالي طول العمر ولا ما ابيه والله يصبرني على فراقه من باعنا بعناه لو كان غالي

واسفه على الاطاله بس الموضوع يستاهل لانو خرب بيوت عامره والسبب انهم فاهمين الدين غلط او حسب مايبون

تذكرت سالفه صارت من مراءه حكيمه جدا رغم انها ماتعلمت زين قالها زوجها بتزوج عليك ما ردت ولا قالت شي
راحت وسوت له بيض ولونت كل بيضه بلون وجابتهم له وقعد ياكل وصارت تاكله من كل وحده قطعه قالت وش رايك يختلفون بطعمهم قال لا قالت هذا الحريم كلهم واحد اشكالهم غير وهم زي بعض ..

صحيح مافي انسان كامل واللي يدور مره كامله ولا اللي تدور رجل كامل (يبطون عظم) مابيلقون


هذا رايي
واختلاف الراي لا يفسد للود قضيه

[meme]

موضوع جميل

وراح اختصر ردي على الاسئله في رد واحد

انا طبعا ضد انو يتزوج الرجال على زوجته الا اذ كان فيه سبب قوي

مو عشان الفلوس زايده عنده يقعد يتزوج ويهمل زوجته الاولى وعياله

وكلنا نشوف حال اللي تزوج من وحده ثانيه كيف عياله ضايعيين لان الاب مقابل هذي وهذيك واخر همه عياله

اما بالنسبه ان هالشي مباح اعتقد ديننا الاسلامي ما اباح هالشي الا لظروف معينه واللي زوجته ماهي مقصره معاه في اي شي

وش عذره !!

شي طبيعي الوحده تزعل ويمكن توصل للطلاق بعد

انا أفضل الطلاق على ان زوجي يتزوج علي >>>>>> انتي في الاول تزوجي وبعدين يصير خير خخخخخخ

ام اروى

موضوع جدآ جميل ومهم
لان هالوقت كثرت المشاكل اللي زي كذا للاسف ):

الله يصلح الحال بس

الله يعطيك العافيه يالغاليه

[amado]

السلام عليكم ورحمة الله وبركاته
هو ممك الزوج يكون مرتاح وكل شئ

ويتزوج مرة ثانية لاكن يعدل ما بينهم

لو ما يقدر يعدل بينهم يبقى انسان

من النوع اللى يجرى وراء الشهوة لا تفسير

لها غير ذلك

ثانكس ام اروى

[عبير الشوق]

انا ضد الزواج مره ثانيه

[لميس]

سؤالي للزوجة : ما الذي يضرك لو تزوج عليك مع بقاء حبه وتقديره لكِ ..؟؟

طبعا ارفض وبقوووووة

والسبب اذا كنت غير مقصرة معة واهتم بشكلي الاجل اني اسعده

واهتم بالبيت ةكل شي لاجل اكسب رضاه

وايكووون اسعد شخص في الدنيا

الصراحه اذا تزوج علي اعتبرة خيان وخاصة اذا كان مافية سبب<<<خلوني اتزووج اول هههههههه

يسلموووووووووو ياقلبي ع الطرح

تشاااااوى

[قمر]

اكيد لا أقبل بذلك مهما كانت تلك الاسباب

اشكرك اختي الكريمه على طرحك الجميل

[˚S الـ،،،ـٌ‘ندبآ‘د A˚]

لماذا تتزوج عليها اذا كل شي متوفر لك .. ماهو دافعك للزواج عليها ..؟؟

في الحقيقة يطول الحديث حول الموضوع

ولكن اذا كانت الزوجة موفرة جميع سبل الراحة وهي صاحبة جمال وخلق ودين

رغم الجمال نسبي في كل بقاع الارض وليس هناك كامل او يدعي الكمال

ولكن الكمال لله سبحانه وتعالى اذا اجتمعت جميع تلك الصفات في نظري ليس هناك

عذر أن يتزوج من فتاة ثانية وخاصة اذا كانت تملك قدر من الثقافة

وأنا اذا توفرة نصف الشروووط وخاااصة أذا كانت رومانسية<<<<< اخص يالرومانسية

ماراح اتزوج الثانية <<<< خلوووه تحصل الاول والكل حادثا حديث

يسلمووووووووووووو ع الطرح الاكثر من رائع

تقبل مروري

[صاهود]

لماذا تتزوج عليها اذا كل شي متوفر لك .. ماهو دافعك للزواج عليها ..؟؟

بنظري انه يكون مفخره يعني فلان تزوج وانا راح اتزوج مثله

او حب التغيير حتى لو كان مرتاح وانا اعرف ناس مثل هالطريقه

اما اذا كانت قايمه بواجبه على اكمل وجه00 وكنت مرتاااح معها ليش اجيب لي عوار الراس والمشاكل

انا متزوج وماعندي نيه زواج ثاني بس شكلي عشان هالموضوع راح اتزوج>>>>>> المدام ماهي عندي

موضووووع رائع اختي

يعطيك العااااافيه

[نجمة الورد]

مووضوع جمييل جداً
انا امرأه متزوجه صح ان مأحب زوجي كثير بس مو مقصره معاه
ابداً
ولو بيتزوج لاسمح الله بيت اهلي يوسعني
صح ان الزواج مباح بس اغلبهم يتزوجون دلع والا مفاخره
واي حرمه ماتبي زوجها يتزوج عليها
لان قبل مايكون الموضوع غيره من المرأه فهو راحه لها
فإذا زوجها تزوج اكييييييييد الكل بيقول انه حرمته فيها عيب والا نقص
يعني المرأه بتمرض وبيجيها السكر
واعرف نساء كثير جاتهم امراض لما ازواجهم تزوجو عليهم...
مشكوره اختي ام اروى
تقبلي مروري...

[جار سهيل]

كثير من الازواج والزوجات ينظرون الى التعدد من باب الــ (انا) !! مبدئياً انا ضد الزواج باخرى الا لظرف
صحي او اجتماعي .. لكن :

لننظر الى هذا الموضوع من عدة زوايا .. فمثلا اذا انتي لديك كل شيء متوفر واخرى جائعه وربنا ماتت
وهي جائعه او قد تضطر لان تستجدي (شحاذه يعني) الا تنظرين لها بعين اخرى اكثر شفقه ؟ الا تشعرين
بذلك للعوانس والمطلقات والارامل ؟ ليس كل الرجال يتزوج فقط للزواج قد يكون لديه دوافع اخرى !!

انا شخصيا اذا ادت زوجتي واجباتها تجاهي لن افكر باخرى الا في حالة ان تقترح هي علي ذلك لهدف
اجتماعي او خيري .. وارى ان كثيرا ممن يتزوجون باخرى لهم اغراض غير انسانيه لان كثير منهم يتم
طلاقه للجديدة بعد فترة وجيزه !!

المسألة ليست ماديه بل بسبب تخلخل الروابط الاجتماعية نظرا لقلة ثقافة البعض وانسياقهم خلف
عادات ومسميات مستورده .. وهؤلاء لا يفرقون بين الغث والسمين ! فقط ينساقون بعواطفهم ذات
الفقر الثقافي ..

نحن مقبلون على هاويه .. والله يستر